ඉලිප්පුණු ලප
මේවා දුඹුරු හෝ තද පැහැයෙන් යුත් මදක් ඉලිප්පුණු ලප වේ. ඇතැම් විට මෙහි තුළ වැදුණු රෝම දක්නට ලැබෙනවා. මේවා හානිකර නැතත් වැඩිපුර ඇති වේ නම් වෛද්‍ය උපදෙස් පැතීම සුදුසු වෙනවා. මෙහි අවලස්සන ස්වභාවය නිසා, කැළලක් ඇති වුවත් ඒවා ශල්‍යකර්මයක් මගින් ඉවත් කිරීමට පෙළඹෙනවා.මෙයට වඩා ස්වභාවික අත්බෙහෙත් යෝග්‍ය වන්නේ ඒවා පහසුවෙන් කල හැකි නිසාත් සෞඛ්‍යයට අහිතකර නොවන නිසාත්ය. ඉලිප්පුණු ලප ඉවත් කල හැකි ක්‍රම කිහිපයක්.

සුදුළුනු ගෙඩියක් උරච්චි කර දිනපතා ලපය මත ගලවා එය වෙළුම්පටියකින් ආවරණය කර තබන්න. දිනකට පැය කිහිපයක් මෙසේ වෙලාගෙන මෙය දිනපතා සිදු කරන්න. ඉඟුරු කැබලි දෙක තුනක් ගෙන, හොඳින් කොටා එම තලපය ලපය මත තබා රැය එළි වනතුරු වෙළුම්පටියකින් වෙලා තබන්න. මෙය දින කිහිපයක් සිදු කරන්න. හණ බීජ (Flax seed) තෙල් සහ මීපැණි බිංදු කහිපයක් මිශ්‍ර කොට දිනපතා ලපය මත අලේප කරන්න. මේවාට අමතරව අන්නාසි යුෂ, දෙළුම් යුෂ ආදිය අලේප කිරීමෙන්ද මෙවන් ලප ඉවත් කරගන්න පුළුවන්.

ඉන්නන්
ඉන්නන් යනු සම මතුපිට හට ගන්නා පුංචි ගැටයකි. පෙනුමට ප්‍රියමනාප නැති මේවා වෛරසයක් නිසා හට ගන්නකි.
ඉන්නන් සිරුරේ විවිධ ස්ථාන වල ඇති විය හැකි අතර විවිධ වර්ග වලින්ද යුක්තය. මානව පැපිලෝමා වෛරසය වැනි රෝග ඇති කිරීමටද ඇතැම් ඉන්නන් වර්ග හේතුකාරක විය හැකි බැවින් අසාමාන්‍ය ඉන්නන් ඇතොත් වෛද්‍ය උපදෙස් පැතීම යෝග්‍යය වේ. නියපොතු වලින් ඉන්නන් කැඩීමෙන් වැළකිය යුතු අතර ඉන්නන් ඉවත් කල හැකි ක්‍රම කිහිපයක් දෙස බලමු.

ඉන්නන් මත පුළුන් කැබැල්ලකින් දිනපතා විනාකිරි ස්වල්පයක් අලේප කිරීමෙන් දින ස්වල්පයකින් ඉන්නා වැටි යනු ඇත.

ඇපල් සයිඩර් විනාකිරි මගින්ද ඉන්නන් ඉවත් කල හැක. පුළුන් කැබැල්ලකින් දිනපතා ඇපල් සයිඩර් විනාකිරි ඉන්නා මත ආලේප කර වෙලුම්පටියකින් ආවරණය කොට කල යුතුය. මෙය දිනකට දෙවතාවක් කල යුතු අතර හැම වෙළුමකදිම අලුත් වෙළුම්පටියක් පාවිච්චි කල යුතුය. සතියකට පමණ පසු රෙදි කැබැල්ලක් ආදරයෙන් ඉන්නා ඇති ප්‍රදේශය පිරිමදීමේදී ඉන්න ගැලවී යාවි.

ලූණු කැබැල්ලක් යොදාගනිමින්ද ඉන්නන් ඉවත් කල හැක. කුඩා ලූණු කැබැල්ලක් කපා බ්ලෙන්ඩරයක් ආධාරයෙන් එහි යුෂ මිරිකාගන්න. මෙයින් බින්දු 2ක් හෝ 3ක් ඉන්නා මත දමන්න. මෙය එක දිගට සති තුනක් පමණ කරන්න. ඉන්නා කෙමෙන් හීන වී යනවා ඔබ දකීවි.

කළු තිත්
සාමාන්‍යයෙන් තෙල් සහිත සමක හට ගන්න කළු තිත් රෝම කූප තුළ තෙල් තැන්පත් වීමෙන් හෝ රෝම කුප අවහිර වීමෙන් පසු ඝන වූ තෙල් පිටතට අනාවරණය වී ඔක්සිකරණය වීම නිසා හටගන්නා තත්වයකි. මේවා වැඩි වශයෙන් මුහුණේ හට ගන්නා අතර තෙල් වැඩි පිට කොන්ද, උරහිස් වැනි තෙල් ග්‍රන්ථි අධික වෙනස් ස්ථාන වලද හට ගත හැක.

රෝම කූප අවහිර නොකිරීමෙන් කළු තිත් හට ගැනීම වළක්වන්නේ කෙසේද?
මුහුණ සේදීමෙන් හෝ ස්නානයෙන් පසු පුළුන් කැබැල්ලක් ආධාරයෙන් ටෝනර් වර්ගයක් යොදා මුහුණ පවිත්‍ර කරගන්න. බේකින් සෝඩා (සෝඩා බයිකාබනේට්) සමඟ ජලය ටිකක් මිශ්‍ර කරගන්න. මෙම තලපය දිනපතා කළු තිත් ඇති ප්‍රදේශයේ ආලේප කර විනාඩි 5කින් සෝදා හරින්න.