කප් කේක් කිවුවම කන්න අකමැති කවුද නේ? පොඩ්ඩො එහෙම ගොඩක් ආසාවෙන් කන්න කැමති කෑමක් නේ. Birthday වලටත් කේක් කපන්නේ නැතිව කප් කේක් තමයි දැන් ගොඩක් අය කන්න කැමති. කප් කේක් වලින් සමහර අය කැමති චොකලට් කේක් වලට නේ. ඉතින් ඔන්න අද අපි කියන්න යන්නේ කොහොමද කප් කේක් පහසුවෙන්ම ගෙදරදී හදාගන්නේ කියලා. පහත තියෙනවා අවශ්‍ය ද්‍රව්‍ය සහ හදන හැටි.

මේ තියෙන්නේ අවශ්‍ය ද්‍රව්‍ය – බටර් කේක් ග්‍රෑම් 250 ක්, වැනිලා තේ හැඳි 1/2 ක්, කබ‍ලේ යන්තමට බැද කුඩුකරගත් කජු මද අඬු කෝප්ප 1/4 ක්, පුහුල් දෝසි ග්‍රෑම් 100 ක්, වියළි මිදි ග්‍රෑම් 100 ක්, බටර් අයිසිං ග්‍රෑම් 200 ක්, අයිසිං සීනි ග්‍රෑම් 200 ක්.

මෙන්න හදන හැටි – බටර් කේක්, පුහුල් දෝසි කුඩාවට කපා බඳුනකට දමන්න. දැන් එයටම බටර් අයිසිං, කජු කුඩු, වියළි මිදි, වැනිලා දමා හොඳින් මිශ්‍ර කර ගන්න. දැන් අයිස්ක්‍රීම් ස්කූප් එකක් ගෙන මේ මිශ්‍රණයෙන් බෝලය බැගින් කඩදාසි කප් වලට දමා ඒවා ශීතකරණයක තබන්න. දැන් අයිසිං සීනි වලට උණු වතුර ඉතා ස්වල්පයක් සහ කැමතිනම් වර්ණක බිංදු කීපයක් දමා දියාරු මිශ්‍රණයක් සාදා ගන්න. දැන් කලින් සාදාගත් කප් කේක් මතට මේ දියාරුව ටික ටික වත්කර නැවත විනාඩි 20ක් පමණ ශීතකරණයේ තබා පිළිගන්වන්න.

පොඩ්ඩෙ නම් ගොඩක් ආසාවෙන් රස බලයි. කඩෙන් කප් කේක් කනවට වැඩියෙ බොහොම පහසුවෙන් රසට ගෙදරදීම කප් කේක් හදන්න දැනගන්න එක ගෘහණියන් වන ඔබටත් ගොඩක් වැදගත් වේවි. මේ ලිපිය යාළුවන්ටත් ඉගෙන ගන්න Share කරන්න අමතක කරන්න එපා.