කොත්තු – රයිස් කියන්නේ පුදුම විදියට ගොඩක් අය ආසම කරන කෑම දෙකක් නේ. ඒත් කොත්තුවක් කිවුවම කන්න අකමැති කෙනෙක් නැති තරම්. ඒත් චීස් කොත්තුවක් කිවුවම කොහොමද?ඕන කෙනෙක් කැමති කෑමක් නේ. රොටි කොත්තු, ඉඳි ආප්ප කොත්තු, ඩොල්පින් කොත්තු, මසාලා කොත්තු වගේ කොත්තු වර්ග ගොඩක් තියෙනවා. ඒ අතරින් චීස් කොත්තුවක් කන්න ආස නැත්තේ කවුද? ඉතින් ඔන්න අපි අද කියන්න යන්නේ අමුතුම කොත්තුවක් ගැන. ඒ තමයි චීස් පාන් කොත්තුවක් ගැන. සමහරවිට ඔබ මීට කලින් මේ කොත්තුව රස බලලා නැතුව ඇති.

එහෙනම් මෙන්න අපි අද කියන්නේ කඩෙන් ගේන කොත්තු වෙනුවට ගෙදරදීම බොහොම පහසුවෙන් චීස් පාන් කොත්තුවක් හදාගන්න හැටි. පහතින් තියෙනවා අවශ්‍ය ද්‍රව්‍යයි හදන හැටියි.

මේ තියෙන්නේ අවශ්‍ය ද්‍රව්‍ය -තරමක් පොඩි කැබලිවලට කපා ගත් පාන්, පොඩි කර ගත් සුදු ළුණු, පොඩි කර ගත් ඉඟුරු, පොඩියට කපා ගත් රතු ළුණු ගෙඩි -1, අමු මිරිස් කරල් – 4, බිත්තර 2, රම්පේ කරපිංචා ස්වල්පයක්, පොඩියට කපා ගත් කැරට්, ලීක්ස්, බෝංචි, කලින් සදා ගත් මස් හොදි, චීස්, අවශ්‍ය නම් කුඩාවට කඩා ගත් පිසගත් මස්

මෙන්න හදන හැටි – පෑන් එකකට තෙල් ටිකක් දාලා රත් වෙන්න හරින්න. රත් වූ තෙල් වලට ඉඟුරු, සුදු ලූණු දාලා තරමක් බැදෙන්න හැර රම්පේ, කරපිංචා, ලූණු සහ එළවලු ආදිය දමා හොඳින් මිශ්‍රකර ගන්න. තරමක් බැදෙනවිට බිත්තර එකතු කර හොඳින් මිශ්‍ර කරන්න. පසුව ටික වෙලාවකින් පාන් ටික එකතු කරගන්න. පාන් පෙගෙන්නේ නැති වෙන්න ලිපෙන් බාන්න කිට්ටු වෙලා මස් හොදි ටිකෙන් ටික එකතු කර ගන්න. අන්තිමට චීස් එකතු කර ලිපෙන් බාගන්න. උණුවෙන්ම රසවිඳින්න.

දැන්නම් සුවඳෙ ඉන්න බෑ නේද? කාලම රස බලන්න. ඉතින් මේ ලිපිය ඔයාලට වැදගත් කියලා හිතුනනම් ඔයාලගෙ යාළුවන්ටත් මේ දේවල් ඉගෙනගන්න Share කරන්න අමතක කරන්න එපා.