පොළොස් ව්යාංජනයක් කිවුව ගමන් කටට කෙළත් උණනවා නේද? පොළොස් කියන්නේ ශරීරයේ ශක්තිව වඩවන ශක්තිජනක ආහාරයක්. ගොඩක් අය පොළොස් උයලා කන්න ආසයි. රසවත් ව්යාංජනයක් විදියට හදලා. ඒත් පොලොස් වලින් කට්ලට් හදන හැටි සමහර යාළුවො දන්නේ නැතුව ඇති. මේ කියන්න යන්නේ පොළොස්වලින් රසවත් ලෙස කට්ලට් හදන හැටි. ඔයාලත් ගෙදරදී හදලම බලන්න..
මේ තියෙන්නේ අවශ්ය ද්රව්ය
පොළොස් 500g, අර්තාපල් 200g, රතු ළුණු ගෙඩි 10 (සිහින්ව කපා ගන්න ලද), කැලි මිරිස් මේස හැදී 02, මිරිස් කුඩු මේස හැදී 1/2, ගම්මිරිස් කුඩු තේ හැදී 1, අමුමිරිස් කරල් 04, උම්බලකඩ කුඩු මේස හැදී 02, එනසල් කරල් 02, සුදුළුණු බික් 02 (සිහින්ව කපා ගන්න ලද), කරපිංචා ස්වලපයක් සහ ලුණු, කහ කුඩු, පාන්පිටි 250g බිස්කට් කුඩු 200g, බැදගැනීමට අවශ්ය තෙල්.
මේ තියෙන්නේ හදාගන්න හැටි
ප්රථමයෙන් කටු ඉවත් කර පොළොස් කැබලි වලට කපා මැටි වළදක් ගෙන එයට ගොරකා ඉති 02/03 දමා ප්රමාණවත් පරිදි වතුරද ලුණුද දමා හොදින් තම්බගන්න ,අනතුරුව අර්තාපල් ද හොදින් තම්බගන්න. අනතුරුව තම්බා ගත් පොළොස් සහ අර්තාපල් වෙන වෙනම පොඩි කර ගන්න , ඉන්පසු භාජනයක් ලිප තබා එයට තෙල් ස්වලපයක් දමා රත්වූ පසු එයට සකසා ගත් සුදුලුනු, රතුළුණු ,කරපිංචා, දමා තෙම්පරාදු කර ගන්න අනතුරුව එයට උම්බලකඩ කුඩු ද එකතු කර විනාඩියකට පසු සකසා ගත් පොළොස් සහ අර්තාපල් එකතු කර හොදින් කලවන් කර ටික වෙලාවකට පසු එයට මිරිස් කුඩු,කැලි, සහ ගම්මිරිස් කුඩු දමා රස පරිදි ලුණුද එකතු කර ලිපෙන් බාගන්න.
අනතුරුව ප්ලාස්ටික් භාජනයක් ගෙන එය වතුර එකතු කර පාන්පිටි එය එකතු කර කහ කුඩු ස්වලපයක් දමා හොදින් මිශ්ර කර බැටරයක් සදා ගන්න ඉනන්තුරුව ඔබ සකසා ගත් පොළොස් මිශ්රණය අතින් පොඩි රවුම් ගුලි සේ සකසා ගන්න. දැන් ඔබ එය බැටර්එකේ දමා බිස්කට්කුඩු තවරා ගන්න , අනතුරුව භාජනයක් ලිප තබා රත්වූ පසු තෙල් දමා තෙල් රත්වූ පසු සදා ගත් පොළොස් කට්ලට් එයට දමා හොදින් රන්පැහැය වනතුරු බැදගන්න..
ඉතින් මෙන්න මේ වගේ රසවත් ආහාරයක් ගෙදරදීම පහසුවෙන් හදාගන්න ඔබට පුළුවන්. සමහර පොඩ්ඩො පොළොස් උයලා දුන්නට කන්නේ නෑ. ඉතින් එහෙම පොඩ්ඩො ඉන්න ගෙවල්වල මේ වගේ රසට පොළොස් කට්ලට් හදලා දුන්නොත් නම් පොළොස් නොකා ඉන්න එකක් නෑ නේද..
රසම රස පොළොස් කට්ලට් හදන හැටි යාළුවන්ටත් බලන්න Share කරන්න අමතක කරන්න එපා..