දණ හිස් වේදනාව ඉක්මනින් සුව කරගන්න බෙහෙත් වට්ටෝරු රැසක්
4,912 Views
වයස් භේදයකින් තොරව බොහෝ දෙනාට තිබෙන රෝගයක් තමයි දණහිස් හා හන්දිපත් වේදනාව. මේ සියල්ලටම විවිධ බෙහෙත් පානය කිරීමට බොහෝදෙනා හුරුවෙලා සිටියත් එමගින් අවසානයේදී තවත් රෝග රැසකට මුහුණදීමට සිදුවනවා. වේදනානාශක ලෙස අප ලබාගන්නා එවැනි බෙහෙත් වර්ග ශරීරයට අහිතකර වන්නටත් පුළුවන්. කාන්තා පිරිමි ඕනෑම කෙනක්ට පොදුවේ ඇතිවන මෙම දණහිස් සහ හන්දි වේදනාවට ආයුර්වේද එන ආලේපනයන් දෙකක් පිලිබදව අද අප ඔබව දැනුවත් කරනවා.මෙම ආලේපනයන් කෙටි කාලයක් තුල වඩාත් සාර්ථක ප්‍රතිපල ඔබට ලබාදෙන අතර දණහිස් සහ හන්දි වේදනාව සම්පුර්නයෙන්ම නැතිකර දමනවා. එසේනම් අපි දැන් බලමු එම මිශ්‍රනයන් සාදාගන්නා ආකාරය පිලිබදව.පළමු ක්‍රමයට අවශ්‍ය ද්‍රව්‍ය, සිනි තේ හැදී 1ක්, කහ කුඩු තේ හැදී 1ක්, ලුණු කැට තේ හැදී 1ක්, දෙහි යුෂ මේස හැදී 1ක්.
සාදාගන්නා ආකාරය-සිනි, ලුණු සහ කහ කුඩු කුඩා වංගෙඩියක් තුලට දමා කොටා ගන්න. ඉන්පසු එම මිශ්‍රණය භාජනයක් තුලට ඉවත් කර දෙහි යුෂ දමා හොදින් කවලම් කර ගන්නසාදාගත් එම මිශ්‍රණය ඔබගේ දණහිස් හෝ හන්දි වේදනා ඇති ස්ථාන වල රාත්‍රී ආලේප කර පොලිතින් එකකින් ආවරණය කර පසුද උදැසන සෝදාහරින්න දෙවන මිශ්‍රණය සදහා අවශ්‍ය ද්‍රව්‍ය, තල තෙල් තේ හැදී 1ක්, අබ තෙල් තේ හැදී 1ක්, වේලා කුඩුකර ගත් ඉගුරු කුඩු තේ හැදී 1ක්. සාදාගන්නා ආකාරය, තල තෙල් සහ අබ තෙල් භාජනයක් තුලට දමා එයට ඉගුරු කුඩු එක්කර හොදින් කවලම් කර ගන්න. සාදාගත් එම මිශ්‍රණය වේදනා සහිත ස්ථාන වල ආලේප කර සම්බාහනය කරන්නමෙම ක්‍රමයන් දෙකෙන් ඔබට පහසු ඕනෑම ක්‍රමයක් තෝරාගෙන භාවිතා කරන්න. ඛෙහෙත් පෙති වලින් තොරව දණහිස් වේදනාවෙන් මිදිමට හැකි තවත් ක්‍රම කීපයක් ගැන අපි වැඩි දුරටත් කතා කරමු
කාටිලේජ වර්ධනය කරන විස්මිත බෙහෙත් වට්ටෝරුව
කාටිලේජ කියන්නේ අපගේ ශරීර ආකෘතියට අත්‍යවශ්‍යම මූලික අංගයක්. එය මෘදු මෙන්ම ඉතාම නම්‍යශීලී ඝන පටකයක් ලෙසත් හඳුන්වන්න පුළුවන්.සම්බන්ධීකරණ පටකයක් ලෙස ක්‍රියාකරන මේ කාටිලේජ, අස්ථි අතර පවතින හන්දිවල, කශේරුවේ කශේරුකා අතර, කන්වල හා නාසයේ, ශ්වාසනාලය වටා ඉළඇටවල අවසාන කොටස් ආශි්‍රතව අපට හඳුනාගන්න පුළුවන්.කොන්ඩ්‍රොසයිටීස් නම් වන විශේෂිත සෛල වර්ගයකින් තමයි කාටිලේජ නිර්මාණය වන්නේ. කාටිලේජ තුළ තුනී කොලජන් ප්‍රත්‍යස්ථ තන්තු පවතින අතර ලේ නහර ඒ තුළ නොපවතී. නමුත් කාටිලේජ පෝෂණය වන්නේ ඒ වටා ඇති මාංස තන්තු හා පටක මෙන්ම අස්ථි බන්ධනී පටක වලිනි. මේ නිසා කාටිලේජ අනෙක් පටකවලට සාපේක්ෂව අලුතින් ඇතිවීම හා වර්ධනය වීම ඉතා සෙමින් සිදුවේ.හදිසි අනතුරු, සන්ධිගත වාතය විවිධ ආසාත්මිකතා හා වෛරස් වර්ග ඇතුළුවීම, අස්ථි පිළිකා වැනි තත්ත්ව නිසා, කාටිලේජ වලට සෘජුවම හානිකරයි. වැඩි වශයෙන් අපට සමාජය තුළ හමුවන්නේ දණිස් හා කොඳුනාරටිය ආශ්‍රිත වූ කාටිලේජ රෝගී තත්ත්වයට පත්වූ අවස්ථායි.කාටිලේජ රෝගී තත්ත්වයට පත්වීම ඉක්මනින් සිදුවුණත් එය නැවත ප්‍රකෘති තත්ත්වයට පත්වීම ඉතාම සෙමින් සිදුවෙන්නක්. සිරුරේ කොතනක හෝ පවතින ගෙවී යෑමෙන් හෝ කිසියම් හේතුවකින් රෝගී තත්ත්වයට පත්ව ඇති කාටිලේජ යථා තත්ත්වයට පත්කිරීමට දේශීය ආයුර්වේදය තුළ හා පැරැණි වෙද පුස්කොළ පොත්වල ඖෂධීය පෝෂණ ගුණයෙන් යුතු පත්තු හා තැවිලි පොට්ටනි වර්ග අපට හමුවෙනවා. ඒවාට බොහොමයක් යොදා ගන්නා ඖෂධ වන්නේ,
අංකෙන්ද, බෙහෙත් එඬරු, බිං කොහෙඹ, කුඹුක්, නික, ඇහැල, ඇත්දෙමට, කොටදිඹුලා වැනි ඒවාය.ගෙවුණු හෝ බිඳුණු කාටිලේජ වර්ධනයෙහි ලා (පැරැණි වෙද පුස්කොළ පොතක සඳහන් වූ) ඖෂධ වට්ටෝරුවක් මෙසේ දැක්විය හැකිය. අංකෙන්ද කොළ පොතු යුෂ, ගොඩපර යුෂ, හාතාවාරිය අල යුෂ, කවෙළු හෝ කිරිකවෙළු යුෂ. වතුර වැඩිපුර නොදමා බෙහෙත් ඖෂධ කොටා පෙරාගත් ඉස්ම ගත යුතුය.එක් වර්ගයකින් බෝතල් 1/4 බැගින් මුළු ඉස්ම ප්‍රමාණය බෝතල් 1ක් ගත යුතුය. එයට ගිතෙල් බෝතල් 1/2ක් හා තලතෙල් බෝතල් 1/2ක් දමා මෙම ඉහත සඳහන් වූ ද්‍රව්‍ය එක එකක් මැටි මුට්ටියකට දමමින් මඳ ගින්නේ හැඳිගාමින් මී ඉටි ස්වල්පය බැගින් දමමින් සන්ධානය කරගත යුතුයි. අවසානයේ මෙය ආලේප කිරීමට හැකි පරිදි තලප පදමට පැමිණේ. කෙසේ වෙතත් මෙය පාවිච්චියේදී නිසි වෛද්‍ය උපදෙස් අනුගමන කළ යුතුයි. අකර්මණ්‍යතාවට පත්ව ඇති ඔබගේ කාටිලේජවල පවතින රෝගී අවස්ථාව පිළිබඳ නිසි අයුරින් දැනුවත් විය යුතුයි. මෙහිදී මෙම පත්තුව ආලේප කරගෙන සිටිය යුතු කාලය ද රෝගියාගෙන් රෝගියාට වෙනස් වේ.
උදාහරණයක් ලෙස ඔස්ටියෝ ආතරයිටිස්වලදී ඇතිවන කාටිලේජවල ස්වභාවයද, ඔස්ටියෝ පීනියා ආතරයිටීස් තත්ත්වයකදී ඇතිවන තත්ත්වයට වඩා බොහෝ වෙනස් වේ.කාටිලේජ ගෙවී ඇති විටදී ද ඉහත ආලේපය පාවිච්චියට ගත හැකිය. මෙය ආලේප කර ශරීර අභ්‍යන්තරයට කා වැදී යන පරිදි ටික වේලාවක් හොඳින් අතගෑම ද කළ යුතුයි.හදිසි අනතුරකදී බිඳී ගිය කාටිලේජ ඇතිවිට ද ඒවා වර්ධනයට හා පෝෂණයට මෙම ආලේපය භාවිත කළ හැකියි.නමුත් අභ්‍යන්තරව ද ඖෂධ ලබා ගැනීම කරන අතරතුරම මෙවැනි ආලේප වර්ග යෙදීම මඟින් මාස තුනක් වැනි සුළු කාලයක් ඇතුළතදී කාටිලේජවල ඇති දුර්වලතා දුරලීම ආරම්භ කිරීමට තරම් හැකියාවක්, පුරාණයේ සිට පැවත එන ආයුර්වේද ශාස්ත්‍රය තුළ ගැබ් වී පවතී. ව්‍යායාම, දණහිස් වේදනාව සමනය කරන විවිධ ආකාරයේ ව්‍යායාම ක්‍රම ඇත. ඔබට ගැලපෙන ව්‍යයාම දැනගැනීමට වෛද්‍ය හෝ උපදේශකයෙකුගේ උපදෙස් ලබාගැනීම අත්‍යාවශ්‍ය වේ. ආහාර පාලනය, දණහිස් වේදනාව ඇති වීමට විවිධ හේතු බලපායි. ඔබට වේදනාව ඇති වූයේ යූරික් අම්ලයේ වැඩි වීමක් නිසා නම් එසේ වැඩි වීමට බලපාන ආහාර ගැනීම නැවැත්විය යුතුය. ඒ අතරම මේ සඳහා වෛද්‍ය ප්‍රතිකාර ද ලබාගත යුතුය
ඉගුරු හා කහ අඩංගු තේ, මෙම දෙවර්ගයේම ප්‍රතිඔක්සිකාරකයන් අන්තර්ගත වේ. මේවායින් තේ සාදා දිනකට අඩුම තරමේ දෙවරක් පානය කිරීම කළ යුතුය. මෙම පානය මඟින් දණහිස් වේදනාව මෙන්ම දණහිස් ඉදිමීම ද අඩු කරයි. සිරුරට වැඩියෙන් මැග්නීසියම් ලබා ගන්න, මැග්නීසියම් දණහිස් වේදනාවට සුවය ලබා දේ. මෙය ආහාර ආකාරයෙන් හෝ ඛෙහෙත් ආකාරයෙන් ලබා ගත හැක. කෙසේ වෙතත් ආහාර ලෙසින් මැගිනීසියම් ලබා ගැනීම වඩාත් ආරක්ෂාකාරී ය. මැගිනීසියම් අඩංගු ආහාර ලෙස පළා වර්ග, ධාන්‍ය වර්ග, මාළු, අලිගැටපේර, යෝගට්, කෙසෙල් පෙන්වා දිය හැක. පිරිසිඳු ඔලිව් තෙල් , වේදනාව ඇති දණහිස් වල පිරිසිඳු ඔලිව් තෙල් හොඳින් ආලේප කර මඳ වේලාවක් තිඛෙන්නට හරින්න. මෙය අභ්‍යන්තරයට අවශෝෂණ කොටගෙන වේදනාව ඇති කරවන අංශ විනාශ කරයි.
(උපුටාගැනීම අන්තර්ජාලයෙන්)
