මහත අයට ඉක්මනට කෙට්ටු වෙන්න මෙන්න නියම ක්‍රමයක්
14,286 Views
ශරීරයේ බර අප ලබාගන්නා ආහාර මත පමණක් නොව, සිරුරෙ අපට නොපෙනෙන රසායනික ක්‍රියාවලින් මතද රඳා පැවතීම එක් අතකට අපහසුවකි. අපේ ශරීරයෙන් නිකුත් කරන හෝමෝන පරිවෘත්තිය ක්‍රියාවලිය කෙරෙහි බලපාන අතර ඒ මගින් මේද තැන්පත් කිරීම සහ නොකිරීම තීරණය කරනු ලබයි.
අපි ඔබ සැමට තමන්ගේ ශරීරය පිළිබඳ වඩාත් පුළුල් අවබෝධයක් ලබාදීමට අප නිතරම උත්සහ කරමු. තමන්ගේ ශරීරයේ ක්‍රියාවලින් ගැන දැනුවත් වූ විට ශරීරය අලංකාරව පවත්වා ගැනීමටත්, සෞඛ්‍යසම්පන්නව ජීවත් වීමටත් පහසුය.
අපගේ ශරීර බර සාධක විශාල සංඛ්‍යාවක් මත රඳා පවතින අතර ඊට, ආහාර, ජාන, ව්‍යායාම, මානසික ආතතිය අදියත් බලපායි. නමුත් මෙම ක්‍රියාවලියේ වඩාත් වැදගත් කොටස හෝමෝන වලට අයත් වන අතර ඒ මගින් පරිවෘත්තිය ක්‍රියාවලියට ඇති වන බලපෑම ඒ සඳහා ඉතා වැදගත් වේ. ඔබේ ශරීරයට මේද තැන්පත් කිරීමට හෝ දහනය කිරීමට විධානය කරන්නේ මෙම රසායනික මගිනි.
01. ඉන්සියුලින්
ශරීරයේ සෛල වලට ශක්තිය ලබාදෙන මූලික මූලාශ්‍රය වන්නේ ග්ලූකෝස් ය. අප ආහාර අබාගත් විට ශරීරයේ ග්ලූකෝස් මට්ටම ඉහළ යන අතර එවිට අග්න්‍යාශයෙන් ඉන්සියුලින් නිකුත් කරනු ලබයි. ග්ලූකෝස් සෛල කරා ගෙනයාමට දායක වන හෝමෝනය ඉන්සියුලින් වේ.
ඉන්සියුලින් අපේ ශරීරයට ශක්තිය ලබාදෙන අතරම එය ශරීරයේ මේද තැන්පත් කිරීමද සිදු කරයි. ඉන්සියුලින් ප්‍රමාණය වැඩි නම් ඔබේ සිරුර මහත් වීමට පටන් ගනී.
02. කෝර්ටිසෝල්
කෝර්ටිසෝල් ආතති හෝමෝනයකි. මෙය ඇඩ්‍රිනල් ග්‍රන්ථිය මගින් ශ්‍රාවය කරනු ලබන්නේ රුධිරගත ග්ලූකෝස් මට්ටම සම්මත ප්‍රමාණයට වඩා පහත වැටීම වැලැක්වීමයි. එම නිසයි ඔබගේ මානසික ආතතිය වැඩි වූ විට වැඩිපුර අයිස්ක්‍රිම්, කේක්, චොකලට් ආදී පැණිරස කෑම ආහාරයට ගැනීමට හිතෙන්නේ. එසේ කිරීමෙන් ඔබ ඔබේ සිරුරට අපහසු අවස්ථා පාලනය කිරීමට උදව් කරනවා. කෝර්ටිසෝල් මගින් වැඩිපුර ශක්තිය ඉතිරි කරගැනීමට පරිවෘත්තිය ක්‍රියාවලියේ වේගය අඩු කරවනවා. ඔබේ රුධිරයේ කෝර්ටිසෝල් ප්‍රමාණය වැඩි නම් ඔබේ බර වැඩිවේ.
03. ලෙප්ටින්
ලෙප්ටින් යනු තෘප්ත කරවන හෝමෝනයයි. එය නිකුත් කරනු ලබන්නේ මේද සෛල් මගින් වන අතර, ඒ මගින් ඔබේ කුස පිරී ඇති බවට සංඥා මොළය වෙත රැගෙන යනු ලබයි. ලෙප්ටින් මගින් ඔබේ පරිවෘත්තිය ක්‍රියාවලිය පාලනය කරන අතර සෛල වලට මේදය තැන්පත් කරගන්නේද නැතිද යන්න තීරණය කිරීමට උපකාර කරයි. ඔබේ ශරීරයේ ලෙප්ටින් මට්ටම පහත වැටුණු විට ඔබේ ශරිරය වඩාත් වැඩියෙන් ආහාර ලබාගන්නා අතර වැඩියෙන් මේදය තැන්පත් කරගනියි. නින්ද අඩු වීම නිසා ශරීරයේ මෙම හෝමෝනය ශ්‍රාවය වීම අඩුවේ. එම නිසා ප්‍රමාණවත් නින්දක් ලබා ගැනීම ඉතා වැදගත් වේ.
04. තයරොයිඩ් හෝමෝන
තයරොයිඩ් හෝමෝන නිපදවනු ලබන්නේ තයරොයිඩ් ග්‍රන්ථියෙන් වන අතර එහි ප්‍රධාන ක්‍රියාවලිය වන්නේ මේද විච්චේදනය උත්ප්‍රේරණය කිරීමයි. එමෙන්ම මෙය පරිවෘත්තිය ක්‍රියාවලිය නියාමනය කිරීමටද උපකාර කරයි. ඔබේ ශරීරයේ තයරොයිඩ් හෝමෝන ප්‍රමාණය අඩු නම් ශරීරයේ බර වැඩිවේ.
බර අඩු කරගැනීමට ව්‍යායාම කරන්නේ සහ ආහාර ගන්නේ කෙසේද?
ආහාරයට ගත යුත්තේ මොනවාද?
මෑත කාලීන පර්‍යේෂණ වලින් හෙළි වී තිබෙන්නේ බර අඩු කරගැනීම සඳහා සුදුසුම ආහාර රටාව දිනකට වේල් තුනක් ආහාර ගැනීම බවයි. ඉතාම දැඩි ආහාර පාලනයකට යටත් වී සිටීම සෞඛ්‍යාරක්ෂිත නොවේ. එසේ කිරීමෙන් ඔබ කෙට්ටු විය හැකි වුවත්, එම ප්‍රතිඵල වැඩි කාලයක් පවත්වා ගැනීම අපහසු වේ. දිනපතා අඩුවෙන් ආහර අඩුවෙන් ලබා ගන්නා විට ඔබේ ශරීරය සිතන්නේ එය ආහාර හිඟයක් බවයි, එම නිසා ශක්තිය සඳා මාංශපේෂි වලින් සහ පටක වලින් ශක්තිය උරාගනී. මෙහි ප්‍රතිපලයක් ලෙස දිනකට එක් වරක් පමණක් ආහාර ලබාගත්තත් ඔබේ බර වැඩි විය හැකිය.
දිගු කාලීන ක්‍රියාවලියක් මගින් බර අඩු කරගැනීම වඩාත් සෞඛ්‍යාරක්ෂිත මෙන්ම දිගු කලක් පවතින ප්‍රතිඵල ද අත් කර දෙයි. ඔබට කෙට්ටු වීමට අවශ්‍ය නම් කැලරි තැන්පතුව අඩු කරගෙන පවත්වාගෙන යන්න. ඔබ මෙම සරල නීතිය අනුගමනය කළහොත් ඔබේ ශරීරය අපහසු දවස් සඳහා කැලරි තැන්පත් කර තැබීම නතර කරනු ඇත.
ශරීරයේ ඉන්සියුලින් ප්‍රමාණය වැඩි නොකරන ආහාර ලබා ගැනීමට හැකිතාක්ල් සැලකිලිමත් වෙන්න. මෙම ආහාර වරග යනු ග්ලයිසෙමික් (GI – මේ මගින් ගණනය කරනු ලබන්නේ ආහාරයක් පුද්ගලයෙකුගේ ශරීරගත ග්ලූකෝස් මට්ටමට බලපාන ආකාරය අනුවයි) මට්ටම අඩු ආහාරයි.
ක්ෂණික කාබෝහයිඩ්‍රේට් අඩංගු ආහාර වලින් වැළකී සිටිය යුතු අතර ප්‍රෝටීන් සහ තන්තු අඩංගු ආහාර වැඩියෙන් ලබාගත යුතුය. ප්‍රෝටීන් මාංශපේෂි වර්ධනයට සෞපකාර වන අතර, මාංශපේෂි වලින් ඔබ ශරීරයේ මේදයට වඩා කැලරි දහනය කරයි.
ව්‍යායාම කරන්නේ කෙසේද?
ඔබ ව්‍යායාම කරන විට මාංශපේෂි වැඩියෙන් වැඩ කරන අතර ඒවාට ශක්තිය ලෙස දහනය කිරීමට වැඩිපුර ග්ලූකෝස් අවශ්‍ය වේ. එම නිසා ඔබ ක්‍රියාකාරි පුද්ගලයෙක් නම් ඔබට දිනපතාම සීනි ලබාගැණීම අත්‍යාවශ්‍ය වේ. පර්‍යේෂණ වලින් හෙළි වී ඇත්තේ වැඩි තීව්‍රතාවයකින් යුක්ත ව්‍යායාම නිසි විරාම සහිතව සිදු කළ යුතුය.
නිසි විවේක සහිතව ව්‍යායාම වල යෙදෙනවා නම් ඔබ ජිම් එකේ පැය 1-1.5ත් අතර කාලයක් ව්‍යායාම වල නිරත විය යුතුය. ඔබ තීව්‍රතාවය වැඩි ව්‍යායාම වල නිරත වන්නේ නම් විනඩි 20ක් සෑහේ. ඔබ ව්‍යායම කළැ පසු දවස පුරාම කැලරි දහනය වීම සිදුවේ. මෙය ඔබ නිදා සිටින අතර පවා සිදුවේ. ව්‍යායාම අතරතුර හෝ ඉන්පසු ප්‍රෝටීන් සහ තන්තු අඩංගු පානයක් ලබාගත යුතුය.
(උපුටාගැනීම - රැජිණිය වෙබ්අඩවිය)
