මුදල් ඉතුරු කරන්න ලේසිම Tips ටිකක් මෙන්න
433 Views
බුද්ධිමතුන් ඉතුරු කරද්දී පරිණත බුද්ධිමතුන් ආයෝජනය කරනවා කියල කතාවක් තියෙනවානේ. ඒ කොහොම වුණත් ආයෝජනය කරන්නත් කලින් ඉතුරු කරන්න පුරුදු වෙන්න ඕනනේ. අද මේ ලිපියෙන් කියන්න හදන්නේ ලේසියෙන්ම මුදල් ඉතුරු කරගන්න පුළුවන් ක්රම එහෙමත් නැත්නම් money savings Tips ගැන.
මුලදි නම් ඉතුරු කරනවා කියන්නේ හරිම අමාරු දෙයක්. හිත යන්නෙම වියදමටනේ. මෙතැනදී පොඩ්ඩක් ඉවසලා හොඳ start එකක් දුන්නනම් ඉතුරු කරන එක මහා ලොකු දෙයක් නෙවෙයි. හැබැයි ඔයා හරි විදිහට ඉතුරු කරන්න කැමති කෙනෙක්නම් ඔයාට මෙන්න මේ Tips ටිකත් අවශ්ය වෙයි.
01) මුලින්ම එදිනෙදා වියදම් ටික Note එකක් දාගන්න.
Note එකක් දානවා කියලා. පොඩි පොඩි වියදම් අමතක කරලා Note කරලා වැඩක් නැහැ. වියදම් වෙනම, ඔයාගේ මාසික ආදායම වෙනම Note කරගන්න.එතකොට ඔයාට හොඳ idea එකක් එනවා. ඔයා කොතනදීද වියදම් කරන්න ඕන කියලා.
02) වියදම් නොකළ යුතු තැන් වටහාගෙන ඒවා කාපාහරින්න.
උදාහරණයක් විදිහට ඔයා හැමදාමත් මස් , බිත්තර දෙවර්ගයම මිලදී ගන්න කෙනෙක් නම්, එක item එකක් කපාහරින්න. අත්යවශ්ය දේ වලට විතරක් මුදල් වැය කරන්න වග බලාගන්න.
03) Aim එකක් තියාගන්න.
මේ Aim එක මුලින්ම දවසකින් start කරන්න පුළුවන්. උදාහරණයක් විදිහට ඔයා දවසේද ඉතිරි කරන්න බලාපොරොත්තු වෙන මුදල note කරගන්න.ඒ විදිහට සතියකදී ඉතුරු කරන මුදල වශයෙන් Aim එකක් තියාගන්න.ඔයා නොදැනීම ඉතුරු කරන්න ඔයාට ආසාවක් ඇතිවෙයි.
04) wallet එකේ වැඩිපුර මුදල් තබාගැනීමෙන් වලකින්න.
එදිනෙදා අවශ්යම දෑ වලට අවශ්ය මුදල් පමණක් wallet එකේ තියාගන්න අමතක කරන්න එපා.
05) අනාගතය ගැන හිතලා වර්තමානයේ තීරණ ගන්න.
වර්තමාන තත්වය අපිට උදාහරණයකට ගන්න පුළුවන්. කුමක් හෝ තත්වයක් අනාගතයේදී ඇතිවන්නට පුළුවන්. අපි හැමදේටම සුදානම් වීම වැදගත් වෙනවා. ඒ නිසාවෙන් වර්තමානයේ ඔබ ගන්නා තීරණ අනාගතයට අහිතකර බලපෑමක් නොවිය යුතුයි.
06) ඉතිරි කිරීමට නිවැරදි ක්රමයක් තෝරාගන්න.
ඔබට කෙටිකාලයකට මුදල් ඉතුරු කරගන්නට අවශ්යනම් ඒ සඳහා Fix Diposit ගිණුමක් අවශ්යවන්නේ නැහැ.ඔබට ඉතිරි කිරීමේ ගිණුමක් ආරම්භ කරන්නට පුළුවන්.දිගු කලකට මුදල් ඉතිරි කිරීමේදී හොඳ පොලි අනුපාතිකයක් සහිත ගිණුමක් තෝරාගන්නට වග බලාගන්න.
07) ඔබේ ඉතුරුම් ගිණුමේ පොත පමණක් ළඟ තබාගන්න.
ඔබ ඉතුරු කරන මුදල් තිබෙන ගිණුමේ debit card ළඟ තබා ගැනීමෙන් වළකින්න. එම ගිණුමේ පොත පමණක් ළඟ තබාගන්න.
මේ tips Follow කරලා saving කරන අතරේ Invest කරන්නත් පුළුවන් නම් ඔබේ ඉතුරුම් දෙගුණ තෙගුණ කරගන්නත් පුළුවන්.
(behappy වෙබ් අඩවිය)
